Lektire.me - sastavi je internet stranica koja sadrži primere sastava, pismenih zadataka i eseja za osnovnu i srednju školu. Cilj sajta je da pomogne srednjoškolcima da što bolje i kvalitetnije napišu sastav na određenu temu.


Sidro zlata vridi

Sidro zlata vridi

Sidro zlata vridi

 

Pita unuk starega noštroma da zaraj čega na kadenu oko vrata nosi zlatno sidro. Sinko, sidro znači porat, mir, a svaki koji navigaje oće se vratit doma u svoj mir i svoj porat. Zlatno sidro oli ankora, na more ti zlata vridi i zato ga uvik sebon tišćin na sve vas me sića.

 

Ka' se za kraj vežeš po provi se na sidro natižeš, loviš li ribu u kurenat po sidru se puštaš, okriće li more za poštu ne izgubit po krmi drugo sidro kalaš. Tot je i kadena, špag, bitva, koliko špaga puštit, kako ankoru fondat, cili jedan edukacjun. Ma jedno zapanti, more je uvik gospodar, vaja ga rišpetat. More zapovida, a čovik samo sidro kala i to jopet ka' mu more pušti. Nikad ne partit brez jidra, najskoli brez sidra, barenko jednega i sa slušaj ovu štoriju o'sidru mojega prijate'ja. Ka ti sidro zadije, onda ga moreš motoron odapet, a da bi oto tako moglo bit triba i sidro prema temu učinit. Trak od sedmice, osmice žice, nako širjega luka, gori i doli dvi očete za vezat, a moreš učinit i o dva dila ča ulizedu jedan u drugi da je lagje stivat i manje mista vazimje. Ako je po zanatu sve mora bit o prokrona jerbo onda nima zafrkancije s ruzinon doklen duperaš. Ma moreš učinit i o gozda, pa pocinčat, ma te to deboto s pinezima dojde na isto, a ruzina uvik probije. Zaudobi san reč da ako tondin ni pun, vengo šupja cjev, triba unutra ulit mervu olova ča rastopiš stare tube o vode da se dobije bokun piza.

 

Jedan je jema ono pocinčano sidro i trak mu se slomi. Ajde uvati malo lipe ribe i učini brujetadu za marendin, a mi ćemo skupit malo prokrona po škveru i odnit doli u radijonu meštru Zunzi da ti učine lipo sidro. Samo mu triba reč za koji je brod, a on sve zna jerbo i je da bi ijadu učini. Zvat ćemo ga potla na marendin i dat mu demejanu vina, a to je naš posal, ti samo obilatu i guštožu brujetadu učini.

 

Sve je otako i bilo, a naš čovik se ni spize moga mašit vengo je stalno kuntenat u sidro miri. Doma ga je ženi doša pokazat, za pofalit se, ma ga je ona brzo odrebatila: dosta mi je oti tvoji škovac po kući. Ma ni za zamirit, ča mona zna ča je pravo sidro, eno joj šupjače i lazanjuri. Dočin je ariva u lučicu skini je staro dešvano sidro i meka navrj špaga rasklopjeno novo da ga svi vidu, nasloni ga je ma ga ni zaveza, o'cile furje je zaudobi.

 

Zva je prijateja da gredu provat kako tišči i je li se sad ribe boje vatadu, a di neće blago se infišaciji. Ka su se uvatili pošte pošaje on kumpanja da kala sidro, a motor ni uduni jerbo ka sidro pade, zavozit će krmon da se prin nategnu. Vidi ovi da sidro ni vezano, a kapitan se dere baci ga višje, odnit će nas o sinjala. Ni vezano, viče mu pervi, a ko bi se s makinjon ča bota moga nadjačavat. Jopet se kapitan dere da itne, a ovi ponavja da ni vezano i tako tri, četiri puta. Itni ga višje i žestoko mu zabeštima, a ovi ga lipo itne pa se ti misli. Zavozi kapitan naglije i udune makinju pa jopet zapovidi: sa moš vezat špag za bitvu. A koji špag, a koju bitvu, po ure ti govorin da sidro ni vezano, a ti itni ga, itni ga. Pa ka si mi lipo peta onda san ga i itnija.

 

Po godine nisu riči progovorili, a onda je prijatej jadan dan doša, donija isto sidro ka ono ča je moru darova i počeli su govorit kada ništa ni bilo. Omar je novo sidro meka u bandu i ja mislin da ga i nije nikad iz portele izvadija, stoji u rizervu. Joščec i danas dupera ono su tri kraka i duperat će ga doklen na more bude iša.

 

Napisao Nađan Dumanić

loading...
1 glasova
Koristio vam je ovaj sastav? Kliknite like
ili podelite sa prijateljima

Postavite ovaj sastav na Vaš sajt ili forum

Link
Za web stranicu
Za forum
Nazad Sidro zlata vridi

Najbolji citati

Najpopularniji sastavi

Moja soba

Moja soba   Razmišljajući o svojoj sobi, ne želim ju opisati kakva je ona materijalno jer se bitno i ne razlikuje od soba mojih vršnjaka. Svaka soba… >

Moja škola

Moja škola   Škola, to je ustanova čiji je osnovni zadatak prenositi znanje na mlade ljude. To su zgrade u čijim se prostorijama odvija nastava.… >

Moji snovi

Moji snovi   Ne postoji čovjek koji ne sanjari ili barem mašta. Snovi mogu biti različiti; počev od snova o uspjehu, preko ljubavnih snova pa do… >

Iskreno o sebi

Iskreno o sebi   Iskreno o sebi. Ne znam što ne mogu da napišem par rečenica o sebi, a uvek brzo donosim zaključke o drugima. Ostavljam olovku,… >

Sloboda

Sloboda   O lijepa, o draga , o slatka slobodo... rekao je davno naš poznati pjesnik Ivan Gundulić. Zaista, sloboda jeste lijepa, draga i slatka no… >

Sastavi na društvenim mrežama

Lajkuj Lektire.me na Facebook-u